E.T. Yang - Mam Thov Txim Ces Lig (Click to play)
- Written by NHC
Kuv ua koj chim ua koj tus siab los ntau xyoo
Txhua lo lus kuv hais koj yeej txais tsis tau
Koj thiaj ua siab ncaim ntawm kuv mus hlub tus tshiab
Tsis nco txog tus neeg lub siab li hiam
Lub sib hawm nws twb dhau mus lawm ntau lub hli
Ziag no kuv mam thov txim ces nws twb lig
Vim tias koj twb mus nrog luag muaj cuab muaj yig
Ntshe tsis muaj hnub koj rov yog kuv li
Chorus I
Kev hlub raug tso tsis yog tim koj yog tim kuv ib leeg
Kuv muab wb txoj kev hlub saib tsis muaj nuj nqis
Kuv ua siab phem muab koj tso tseg
Mus hlub lwm tus koj thiaj li tu siab nhro
Chorus II
Txawm lub siab yuav mob mob
Los ntshe koj tsis hlub txog
Txawm yuav nco nco
Los ntshe koj tsis tig rov los
Txij no mus kuv tsuas yog ntsia koj mus hlub nws
Lub siab mob khib npaum cas los ua twj ywm
Ntshe yuav khuv xim koj mus tag lub neej tiam no
Hnub twg txoj siab tu mam tsis nco koj
Chorus I + II