Kiana Lauj - Tiam Ntawv Los Tsis Txog (Click to play)
Instrumental (Click to play) [ Download ]
- Written by Tsab Ntawv
Kev npau suav kev cia siab ces tas mus lawm
Yuav tau ncaim koj mus tag ib txhis
Txoj kev hlub ntawm wb tas rau hnub no
Ntawv tsis txog wb thiaj tsis sib tau
Tsab ntawv no yog kuv sau caw koj tuaj nrog
Koom kuv rooj tshoob txwj rau tag kis
Ob lub siab mob mob npaum li cas
Lub kua muag yuav qhia rau koj
Chorus I
Tus kuv hlub
Tshaj pua tsav yam
Zaum no ces tag tsis muaj lawm mog
Xyov yuav nco yuav tshua koj mus txog hnub twg
Lub siab ntsws thiaj li yuav rov zoo
Chorus II
Txawm lub ntuj txawm lub teb pab foom koob hmoov
Kom kuv tau zoo lub neej nrog luag
Luag yuav hlub luag yuav nyiam mus tag ib txhis
Tsis zoo cuag wb tau nyob ua ke
Chorus III
Nyiam nyiam koj hlub hlub koj los tsis sib tau
Ntshe yog tiam no daim ntawv tsis txog
Cia kuv muab txoj kev hlub yav tag dhau los
Sau khaws cia tau qhia kuv tej me nyuam
Chorus I + II + III