Paj Ntshua Nplaim - Mam Hlub Lwm Tiam (Click to play)
Instrumental (Click to play) [ Download ]
- Written by Tsab Ntawv
Txoj kev hlub muab zais cia rau hauv nruab siab
Mam rov los sib nrhiav hlub dua fab lwm tiam
Vim tiam no hmoov tsis txog
Wb thiaj tsis tau nyob ua ke
Wb txoj kev hlub tiam neej no ua siab tseg
Ua ib siab mus ua koj lub neej kom zoo
Tsis txhob nroo txog kuv lawm mog me leej nus
Muaj ib hnub ntiaj teb tig
Wb rov tau los sib ntsib dua
Mam sib zeem hlub cuag li nkauj muam nraug nus
Vim tiam no luag tsis pom zoo wb los sib sau
Wb thiaj tsis tau sib qaws los nyob koom ib lub neej
Mam mus kom mog leej nus
Thov kom koj mus ntsib tus hlub
Cia rau lwm tiam wb mam rov qab los sib nrhiav dua
Ntawm lub ncauj lam hais tias ua siab ncaim mus
Hauv nruab ntsws mob chim dheev tsis xav hais lus
Xyov thaum twg thiaj li cheem
Tau lub siab kom txhob nco koj
Hloov tau nruab ntsws tshem koj tawm ntawm kuv lub neej
Txawm nco koj npaum twg los yuav cia kav liam
Muab khaws cia ua dab neeg faus rau nruab siab
Txawm tiam no nco npaum twg
Los yuav tau ua twj ywm
Tus lub siab ntshaw xav tias yog wb ntawv tsis txog
Chorus x2
Yog lwm tiam tseem muaj wb mam los sib hlub dua
Kev npau suav tiam no ntshe tsis muaj hnub yuav yog tiag
Kev cia siab yav tag los
Cas hnub no yog kev tu siab
Dhau tag kis mus wb kev hlub ces yog luag tus