Wish - Ntxub Qhov Chaw No (Click to play)
Instrumental (Click to play) [ Download ]
- Written by NHC

---

Ntawm qhov chaw no
Yog qhov chaw uas wb sib ntsib
Yog qhov chaw uas wb tau pib
Wb txoj kev hlub
Yog qhov chaw uas wb tau cog lus tseg
Tias wb yuav taug ib txoj kev
Tsis sib ncaim mus

Ntawm qhov chaw no
Yog qhov chaw uas wb sib nyiam
Yog qhov chaw uas wb sov siab
Los tau ib ntus
Yog qhov chaw muaj nqis rau koj thiab kuv
Txawm lub ntuj yuav tshav los nag
Los wb tsis ntshai

Chorus I
Kuv ntxub kuv ntxub qhov chaw ntawm no
Cas ho ua rau kuv tau tuaj pom
(Yeej tsis xav pom)
Pom koj nrog ib tug uas tsis yog kuv
Koj muab koj lub siab tso tag rau nws
Zaum no kuv ne yuav hlub leej twg
(Kuv yuav hlub leej twg)

Chorus II
Kuv ntxub kuv ntxub qhov chaw ntawm no
Cas ho ua tau wb tuaj sib pom
(Tsis txhob tuaj sib pom)
Yog hais tias tsis muaj qhov chaw ntawm no
Ces kuv lub kua muag twb tsis ntws los
Kuv lub siab twb tsis mob npaum no

Chorus I + II

Ntawm qhov chaw no
Yog qhov chaw uas koj tso kuv
Yog qhov chaw uas koj ncaim mus
Kuv tsis xav pom
Tsis xav rov tuaj saib tej chaw ntawm no
Thiaj tsis ua rau kuv nco koj
Siab thiaj tsis mob
Thiaj tsis ua rau kuv nco koj
Siab thiaj tsis mob…